Copy
Ungmennafélag Íslands    
17. nóvember 2020       
                               

Íþróttastarf barna og ungmenna heimilt á nýjan leik um allt land


Leyfilegt er að blanda börnum saman í hópum í íþróttum. Slakað hefur verið mikið á grímuskyldu barna og ungmenna.  

 

Skipulagt íþrótta-, æskulýðs- og tómstundastarf barna í leik- og grunnskólum verður heimilt á ný um allt land á morgun (miðvikudaginn 18. nóvember), samkvæmt tilslökun mennta- og menningarmálaráðherra á samkomutakmörkunum.

Slakað verður sömuleiðis á grímuskyldu yngri barna og kennara þeirra.

Í nýrri reglugerð ráðherra um íþróttastarf barna segir:

  • Æfingar, íþróttastarf, æskulýðs- og tómstundastarf barna á leik- og grunnskólaaldri verður heimilt jafnt inni og úti.
  • Nemendur leik- og grunnskóla er leyft að blandast á útisvæðum skóla og eru því engar takmarkanir á hópamyndun og áður.
  • Samt sem áður eru fjöldamörk í hverju rými þar sem farið er eftir reglugerð um takmarkanir á skólastarfi.
  • Hvert rými eða hólf skal vera skýrt afmarkað.
    • 1.-4. bekkur: Ekki skulu vera fleiri en 50 nemendur í hverju rými.
    • 5.-10. bekkur: Ekki skulu vera fleiri en 25 nemendur í hverju rými.
    • Leikskólabörn: Ekki skulu fleiri en 50 leikskólabörn vera í hverju rými.
    • Grunnskólabörn:
  • Auk þess er ekki skylda á að börn á leik- og grunnskólaaldri beri grímur í íþróttastarfi. Þjálfari skal gera það geti hann ekki tryggt tveggja metra fjarlægðarmörk.

Sund og baðstöðum og líkamsræktarstöðvum verður áfram lokað.

UMFÍ hefur borist margar fyrirspurnir um sundlaugar. Sundæfingar mega fara fram þótt sundlaugar séu áfram lokaðar almenningi. Sóttvarnalæknir hefur þó sagt að ekki sé í skoðun nú að opna sundlaugar strax.

Íþróttir fullorðinna fæddra 2004 og fyrr, þar með taldar æfingar og keppnir, hvort sem er innan eða utandyra, með eða án snertingar, eru áfram óheimilar. Einstaklingsbundnar æfingar fullorðinna fæddra 2004 og fyrr án snertingar eru heimilar, svo sem útihlaup og sambærileg hreyfing.

Ráðherra getur veitt undanþágu frá banni við íþróttastarfi fyrir einstaka viðburði, svo sem vegna alþjóðlegra keppnisleikja hér á landi, enda sé gætt fyllstu sóttvarnaráðstafana að öðru leyti.

 

Reglugerð: 

Tilslakanir í leik- og grunnskólastarfi: Minni grímuskylda og óheft útivist

Grímuskylda afnumin í 5. – 7. bekk grunnskóla

COVID-19: Dregið úr samkomutakmörkunum 18. nóvember

Reglugerð um takmörkun á samkomum vegna farsóttar

Reglugerð um takmörkun á skólastarfi vegna farsóttar

Minnisblað sóttvarnalæknis - viðbót sóttvarnalæknis við minnisblaðið

Nýjar sögur verða til



Ætlið þið að taka myndir af börnum þegar íþróttastarfið byrjar aftur? Okkur langar svo í myndir og góðar sögur. 

Mikið er nú gott að skipulagt íþrótta- og æskulýðsstarf byrjar á nýjan leik. Nú verða til nýjar sögur og margir að taka nýjar myndir af húllumhæinu og lífinu og fjörinu þegar börnin mæta aftur í íþróttahúsin og hitta vini sína sem þau hafa ekki séð svo lengi.

Við erum alltaf að leita að sögum úr starfinu. Það er frábært ef þið hafið auga fyrir góðum augnablikum, sögum úr íþrótta- og ungmennafélagshreyfingunni og fleiru sem gaman er að segja öðrum frá. Það væri gaman að heyra í ykkur. Ef einhver lumar á góðu myndaauga og smellir af myndum þá er nóg pláss fyrir sögur með myndum á umfi.is.

Ef þið sitjið á góðri sögu eða góðri mynd sem þið viljið koma á framfæri þá erum við við símann. Hægt er að hringja í Jón Aðalstein Bergsveinsson, kynningarfulltrúa UMFÍ, hringja í hann í síma 867-3101 eða senda tölvupóst á jon@umfi.is eða umfi@umfi.is

UNGMENNAFÉLAG ÍSLANDS - UMFÍ

Þjónustumiðstöð UMFÍ, Sigtún 42, 105 Reykjavík
Sími 568-2929 | Netfang: umfi@umfi.is | www.umfi.is  

Afskráning af póstlista
Ég vil skrá mig af póstlista UMFÍ
Facebook
Twitter
Heimasíða
Instagram